Nor gara?

BIM Euskadi Batzordea

Building Information Modeling (BIM) metodologia Euskadiko eraikuntzaren sektorean bultzatzen duen erreferentziazko plataforma da BIM Euskadi Batzordea.

Lankidetza publiko-pribatuko gune bat da, eta, bertan, administrazio, enpresa, ezagutza-agente eta profesionalek koordinatuta egiten dute lan, sektorearen eraldaketa digitala bizkortzeko.

2018an sortu zenetik, eraikitako aktiboen bizi-ziklo osoan (plangintzan, diseinuan, eraikuntzan, funtzionamenduan eta mantentze-lanetan) BIM metodologiaren erabilera sustatzen duten ekimenak koordinatzen eta dinamizatzen jardun du Batzordeak.

Helburua da sektoreari laguntzea, nazioarteko jardunbiderik egokienekin lerrokatutako eredu eraginkorrago, gardenago eta jasangarriago bateranzko bidea egiten.

ERALDAKETAREN ZERBITZURA DAGOEN KOMUNITATEA

Sektorea modernizatzearekin konprometitutako administrazio, enpresa, teknologia-zentro, unibertsitate eta profesionalek osatutako sare sektoriala da BIM Euskadi Batzordea.

Honako hauek nabarmentzen dira sustatzen dituen ekimenen artean:

Lanbide-trebakuntza BIM metodologian eta etengabeko prestakuntza.

Berrikuntzaren eta digitalizazioaren sustapena enpresa eta administrazioetan.

Z

Prozesuen estandarizazioa eta informazioaren kudeaketa.

Lankidetza publiko-pribatuaren sustapena balio-kate osoan.

Helburua da Euskadin BIM ekosistema sendo eta lehiakor bat finkatzea, nazioarteko estandarrekin lerrokatua.