Natura homes II

URDULIZ. BIZKAIA

DATU NABARMENAK

SUSTATZAILEA:
Neinor Homes

INPLIKATUTAKO ERAGILEAK:
Neinor Homes, Olabarri eta Estudio Beldarrain

HASTE-DATA:
2021eko martxoaren 15a

PROIEKTUAREN KOKALEKUA:
Urduliz, Bizkaia

PROIEKTUAREN DESKRIBAPENA

T

Gure proposamenak alboko lurzatiko bloke kurbatu linealaren estrategia bera hartzen du, eta, hala, bi blokeen arteko elkarrizketa gisa ulertzen da multzoa. Gure blokea, alabaina, ez doa plazako kurbarekin batera —bolumenari dagokionez eraikuntza simetrikoak dituen plaza bat eskainiz—, baizik eta atzeko pasealekuko bihurgune irekienarekin. Hartara, arrakala bat sortzen da, eta, han, plaza paisaiarantz zabaltzen da. Ondorioz, plazaren asimetriak erlazio dinamiko eta interesgarriago bat sortzen du bolumenen artean.

Aldi berean, arku irekiagoa duen lerrokadura horrek etxebizitzen orientazioa errazten du, eta lorategi komunitario bat sortzen da bloke berriaren aurrean. Horrek balioa gaineratzen dio sustapenari.
Blokeak lau solairu gehi atikoak ditu, eta horizontalean dago garatuta, batere mailakatzerik gabe. Horretarako, nahikoa arrazoi da fatxada nagusiko terraza kurbatu jarraituek sortzen duten irudia, eraikinak plazari ematen dion hiri-erantzun gisa.

Eraikinaren atzealdeko oinezko pasealekuarekin duen kota-diferentzia ebazteko, gure lurzatiaren iparraldean dauden blokeen sekzioarekin jarraitzea erabaki da. Hartara, areagotu egiten da oinezkoentzako pasealekuaren jarraitutasuna, eta hiri-balioa ematen dio. Soluzioak aurreikusten du bi metroko sakonera eta metro bateko garaiera duen jardinera bat sortzea, pasealekuan aurrera egiteko. Han, pasealekuaren gainerako tokietan ageri direnen antzeko landareak sartuko dira. Parterre lineal horren ondoren, euste-horma bat eraikiko da, garajearen beheko kotaraino dagoen garaiera gainditzeko.

Blokeak 12 metro inguruko hormarte estu bat du, eta, horri esker, aldez aldeko etxebizitzak diseina daitezke beste aldeko fatxaden artean, eta, horrela, aireztapen gurutzatu ona bermatu. Etxebizitzak sei ataritan daude antolatuta: bost ataritan bi etxebizitza daude solairu bakoitzeko, eta hegoaldekoak, berriz, hiru etxebizitza ditu, hegoaldeko buruhormaren orientazio ona aprobetxatuz.

BIM EREDUETATIK LORTUTAKO INFORMAZIOA ETA ERABILERAK



BIM erabilerak

Diseinuko BIM ereduak sortzea dokumentazioarekin.
Koordinazioa berrikustea eta talkak detektatzea.
Neurketak ateratzea eta aurrekontuak egitea.
Orubearen baldintzak birsortzea.
Diseinua berrikustea (Neinor Homes estandarren arabera).

Eskakizunak

Eredu federatu eta kodifikatuak.
Koordinazioari eta talkei buruzko txosten onetsiak.
BEPa, proiektuaren kasuistika oinarrituta.
Neinor Homes etxeak EIR eta BPMO eskakizunak betetzea.
Neinor Homes etxeak emandako BIM baliabideak erabiltzea.
Eredu guztietatik ateratako planoak.

Ereduei buruzko informazioa

Geometria-eredu federatuak formatu natiboan.
Master argitalpen-ereduak federatuak formatu natiboan.
Datum eredua.
Geometria-eredu federatuak IFC2x3 formatuan
Master argitalpen-modelo federatuak IFC2x3 formatuan.
Geometria-eredu federatua NWD formatuan.
Talken eta interferentzien NWF fitxategia.

LORTUTAKO HELBURUAK



Neinor Homes etxearen kasuan, BIMen erabilerarik garrantzitsuena neurketak ateratzea da, horri esker aurrekontuko neurketak eredua ateratzearekin aldera baititzakegu. Hala, gai gara neurketen desbideratzea % 10etik beherako portzentaje batera murrizteko; kasu arrakastatsua da kasu hau.
Ereduarekin egiaztatutako neurketa-desbideratzeak onurak sortzen ditu obra-fasean, obran sortutako desbideratze posible gehienak BIM erabilera hori betez ebazten baitira.

Modelatutako elementu guztiak zehatz-mehatz kodetzearen bidez, espero da BIM eredua erabiltzea informazio-iturri nagusi gisa.

Diziplinarteko koordinazioa da BIM erabileretan arrakasta duen beste kasu bat.

Neurketak ateratzeko BIM erabilerari jarraitzeak intrintsekoki betetzen du diziplina guztien arteko koordinazioa.

Lorturiko txostenei eta ereduak etengabe aztertzeari esker, koordinazio-maila oso handia lor dezakegu, eta, horrela, gai gara agertzen diren obra-interferentziak proiektuaren fase goiztiarretan konpontzeko.

Neurketak ateratzearen eta diziplinarteko koordinazioaren arteko loturak proiektuaren kontrolari eustea dakar berekin, eta, horren ondorioz, BIM metodologia soluzio bikaina da eraikuntza-sektorean.