BIM Euskadi plana

ZERTAN DATZA?

BIM Euskadi Plana euskal administrazioen apustu estrategikoa da, gastuaren eraginkortasuna bultzatzea, eraikuntza-sektorearen digitalizazioa bizkortzea, eta herritarrekiko komunikazio hurbil eta gardena indartzea helburu duena. Kontua ez da soilik tresna berriak erabiltzea, baizik eta planifikatzeko eta inbertitzeko modua eraldatzea, emaitza neurgarrietan, prozesu arinagoetan eta kontu-emate argian jarrita arreta. Gure jomuga da ez bakarrik proiektu guztiek kudeaketa-estandar handiak betetzea, baizik eta baita sortzen den informazioa baliozko aktibo publiko partekatua bihurtzea ere.
Ezarpena pixkanakakoa izango da, ebaluagarria. Mugarri errealistak eta jarraipen-adierazleak izango ditu, bai eta zuzendaritza estrategikoa, koordinazio teknikoa eta aldaketarako laguntza bilduko dituen gobernantza ere. Sektorearekiko eta tokiko erakundeekiko lankidetza funtsezkoa izango da, eta taldeei prestakuntza eta laguntza ematea ere bai. BIM Euskadi Plana, oro har, etengabe hobetzeko politika publiko bat da, eta prozesu arin eta sendoagoak, herritarrekiko harreman gardenagoa eta inbertitutako euro bakoitzaren balioa biderkatuko duen lurraldearen ezagutza bilatzen du.

BALIABIDEAK

Deskargatu plana:
BIM PLANA
Egin bat planarekin:
1.ESPEZIFIKOA
2.ESPEZIFIKOA
3.ESPEZIFIKOA
Ibilbide-orria:
DESKARGATU

ESTRATEGIA

01. Kontratua
Izapideak eta barne-kudeaketa hobetzean jartzen du arreta «Kontratua» ardatzak. Urratsak sinplifikatzea bilatzen du, erantzukizunak argitzea eta informazio koherente eta eskuragarriarekin lan egitea. Baterako arauei eta etengabeko jarraipenari esker, espedienteak azkarragoak, fidagarriagoak eta aurreikusgarriagoak izango dira. Denborak murriztu nahi ditu, eta administrazioen koordinazioa eta elkarreragingarritasuna hobetzea, arriskuei aurrea hartzeko eta erabakien kalitatea hobetzeko. Azken finean, konplexua dena erraztea da asmoa, pertsonak beharrezkoak ez diren kargetatik askatzea, eta obrek desadostasun gutxiagorekin eta ziurtasun handiagoarekin aurrera egiten dutela ziurtatzea.
02. Herritarrak
Planeko «Herritarrak» ardatzak jardueren egoerari, mugarriei eta onurei buruzko komunikazio publiko erregular, ulergarri eta bisuala bultzatzen du. Erakundeekiko konfiantza indartzea du xede, elkarrizketa informatua bultzatzea eta parte hartzeko guneak irekitzea, aurreikuspenak doitzen eta lorpenak datu egiaztagarri eta ulerterrazekin antzematen laguntzeko.
03. Lurraldea
«Lurraldea» ardatzak epe luzera eta eskala-zabaltasunarekin begiratzen du. Lurraldearen ezagutza digitala eraikitzea proposatzen du, proiektuek eta obrek gauzatu ahala uzten duten informazioa modu ordenatuan txertatzeko. Ondare horrek aukera emango du plangintza hobeto egiteko, esku-hartzeak koordinatzeko, aktibo publikoak efizientzia handiagoz zaintzeko eta kontingentzien aurrean azkarrago erantzuteko. Etorkizunerako inbertsioa da: bere esperientziatik ikasten duen lurralde dokumentatua, esperientzia hori erabaki berrien zerbitzura jartzen duena.

MISIOA, IKUSPENA, BALIOAK

Misioa

Inbertsio publikoaren kudeaketa azpiegitura eta eraikuntza bihurtzea, digitalizazioaren eta BIM metodologien bidez, prozesu efizienteagoak, gardenagoak eta balio publikora bideratutakoak bermatuz. Etengabeko hobekuntzaren kultura bultzatzea, informazioa euskal administrazioen, herritarren eta lurraldearen zerbitzura dagoen aktibo estrategikoa izan dadin.

Ikuspena

Erreferentzia izatea azpiegitura publikoen bizi-zikloaren kudeaketa digitalean. Horretarako, ekosistema bat eraikiko da, non proiektu bakoitzak ezagutza partekatua sortuko duen, gardentasunari esker herritarrek inbertsio publikoan konfiantza izango duten, eta EAEko lurraldeak ondare digital bat izango duen, egungo eta etorkizuneko belaunaldientzako erabaki informatu, jasangarri eta eraginkorrak har daitezen.

Valores

P – Pragmatismoa​

Irtenbide errealista aplikagarriak ezartzea, eta horiek pixkanaka ezartzea eta eguneroko kudeaketa hobetuko duten emaitza zehatzetara bideratzea.

L – Lidergoa​

Konfiantza sorraraziko duen eta sektorearen eraldaketa digitalerako bidea erakutsiko duen konpromiso instituzional irmoa gauzatzea.

I – Irekitasuna

Gardentasuna bermatzea informazio publikoan, eta herritarren parte-hartzea sustatzea, komunikazio argi, bisual eta irisgarriaren bidez.

N – Nodo kolaboratiboa​

Administrazioen, sektore pribatuaren eta tokiko erakundeen arteko lankidetza-ekosistemak eraikitzea, hizkuntza eta helburu partekatuekin lan eginez.

O – Onura kolektiboa

Erabaki guztietan interes orokorra bilatzea, inbertsioak herritarrentzat eta lurraldearentzat duen balio publikoa maximizatzeko.

I – Informazioa aktibo gisa

Datu koherenteak, trazagarriak eta kalitatezkoak kudeatzea, funtsatutako erabakiak hartzeko eta ezagutza iraunkorra sortzeko.

E – Etengabeko hobekuntza

Ikaskuntzari, etengabeko ebaluaziori eta adierazle egiaztagarri eta mugarri errealistetan oinarrituriko egokitzapenari lotutako kultura bultzatzea.

E – Efizientzia

Baliabide publikoak optimizatzea, denborak, kostuak eta beharrezkoak ez diren administrazio-kargak murriztuko dituzten prozesu arinen bidez.

E – Etorkizuneko baliagarritasuna

Lurraldearen ondare digitala eraikitzea, proiektu bakoitza gainditu eta epe luzeko plangintza eta kudeaketa errazteko.

J – Jasangarritasuna

Ingurumen-, gizarte- eta ekonomia-irizpideak txertatzea, azpiegitura publikoen bizi-ziklo osoaren kudeaketan.

L – Lurraldeko know-howa

EAEko ezagutza espezializatua garatzea eta zaintzea, tokiko gaitasunak eta erabaki informatuak sustatze aldera.

A – Arintasuna

Prozesuak sinplifikatzea, arriskuei aurrea hartzea eta tramitazioak bizkortzea, koordinazio eraginkorraren eta desadostasunak ezabatzearen bidez.

D – Datu egiaztagarriak

Informazio objektibo, eguneratu eta ulergarrian oinarrituta ematea kontuak, erakundeekiko konfiantza indartzeko.

E – Elkarreragingarritasuna

Sistema, talde eta administrazioek estandar partekatuekin lan egiten dutela bermatzea, informazioa erraz trukatzeko.

EUSKO JAURLARITZAREN KONPROMISOAK

Kontratua

2026

  • BIM estandarren dokumentazioa sortzea, bai eta erakunde publikoentzako kontratazio-gidak eta erakunde publikoentzako formatu irekiko ereduen egiaztapen parametrikoko lehen txantiloiak ere.
  • EAEko erakunde publikoetan BIM metodologia ezartzeko laguntza teknikoko zerbitzua eratzea.
  • Sektoreko talde teknikoei BIM metodologia ezartzeko hasierako prestakuntza ematea.
  • Espedienteen tramitazio digitalerako protokolo bat ezartzeko lehen proba pilotuak.

2027-2030

  • BIM metodologia ezartzeko eta kontratuak egiteko laguntza teknikoko zerbitzua EAEko erakunde publikoentzat.
  • EAEn kudeaketa digitalerako eta eredu digitaletan oinarritutako espedienteak onartzeko prozedurak eta tresna digitalak martxan jartzeko laguntza.
  • BIM Euskadi Planarekin lerrokatutako prestakuntza-proposamenarekin laguntzea.
  • Epealdi horretan, BIM eskakizunak betetzen dituztenak kontratu publiko guztien % 30 izan daitezen lortzea.

2030

  • Dokumentazioa eguneratzea, estandar irekien, UNE-EN ISO 19650 arauaren eta aplikatzekoak diren beste araudi batzuen eboluzio berriekin.
  • Erakunde publikoen eskura jartzea eredu digitaletan (BIM/GIS) oinarritutako espedienteen tramitazio eta baliozkotze digitalerako tresna sektorialak.
  • OpenCDEan oinarritutako informazio-gordailuen elkarreragingarritasun-baldintzak.

2030-2035

  • BIM metodologia ezartzeko laguntza teknikoko zerbitzua EAEko erakunde publikoentzat.
  • BIM metodologia ezartzeko laguntza teknikoko zerbitzua EAEko erakunde publikoentzako kontratuetan.
  • BIM Euskadi Planarekin lerrokatutako prestakuntza-proposamenarekin laguntzea.
  • Epealdi horretan, BIM eskakizunak betetzen dituztenak kontratu publiko guztien % 70 izan daitezen lortzea.
Herritarrak

2026

  • Euskadin BIM metodologia ezartzeko ibilbide-orria zabaltzea
  • EAEko BIM lizitazioen ataria eguneratzea
  • Proiektuen jarraipena egiteko lehen atari publikoa sortzea, oinarrizko bisualizazioarekin (mugarriak, aurrekontuak, aurrerapenak…).

2027-2030

  • Aldizka emaitzen, ezarpenaren aurrerapenaren eta jardunbide egokien berri ematea.
  • Teknologia aurreratuak (errealitate birtuala, areagotua) erabiltzea, herritarrei azpiegitura publikoko ekimen handien berri emateko.

2030

  • Adierazle neurgarriak (kostuak, epeak, jasangarritasuna) txertatzea atari publikoan, lurralde-plangintzako prozesuetan herritarren parte-hartze digitala sustatzeko.
  • Herritarrei azpiegitura publikoetako inbertsio handien berri emateko jarraibide berriak.

2030-2035

  • Aldizka emaitzen, ezarpenaren aurrerapenaren eta jardunbide egokien berri ematea.
  • Herritarrek informazio interesgarria duten biki digital publikoetarako sarbidea izatea.
Lurraldea

2026

  • Estandar irekiekin lerrokatzeko lurralde-mailako konpromisoa. Building Smartekin hitzarmen instituzional bat sinatzea.
  • Lurraldeko eredu digitalerako elkarreragingarritasunaren gaiaren inguruko hasierako zehaztapenak, aplikatu beharreko zibersegurtasun-prozedurak barne hartuta.
  • Informazio-gordailuetatik informazioaren dokumentazio egituratua (OpenCDE estandarretan oinarritua) biltzeko prozedurak, informazioaren lurraldeko datu-basea elikatzeko.
  • BIM Euskadi Batzordea koordinazio-organo gisa finkatzea, eta erakundeen arteko lankidetzarako eta ezagutza-sareetarako gune partekatu bat sortzea.

2027-2030

  • Gauzatutako kontratuen informazio digital ordenatua biltzea. EAEko mailen arteko lehenengo datu-base komun interoperagarriak.
  • BIM Euskadi Batzordearen lurralde-sustapena, BIM Euskadi Planera erakunde berriak atxikitzeko.

2030

  • Azpiegiturak digitalizatzeko lurralde-konpromisoa berritzea.
  • Lurraldeko biki digital bat garatzeko zehaztapenak.
  • Estandar irekietan oinarritutako lurralde-informazioa trukatzeko protokoloak.

2030-2035

  • Gauzatutako kontratuen informazio digital ordenatua biltzea. EAEko mailen (autonomiarena, aldundiena eta udalena) artean interoperagarriak diren datu-base komunetan sakontzea.
  • Lurralde-plangintza sektorialari laguntzea, biki digitalaren erabilera-kasuen aplikazio sektorialaren bidez.

ERAKUNDEEN KONPROMISOAK

2027

Antolamendu-estrategia

Erakunde bakoitzean pertsona bat izendatzea erakundearen BIM estrategiaren arduradun.
EAEko BIM ekimenari atxikitzeko konpromisoa sinatzea.

Ezagutza eta berrikuntza kudeatzea.

Jardunbide egokiak eta pilotu berritzaileak biltzea erakundean eta BIM Euskadi Batzordeari ematea.

Jasangarritasuna

Deskarbonizazio-, zirkulartasun- eta efizientzia-estrategiak bultzatzea erakundean. Kontratazioetan jasangarritasun-klausulak (deskarbonizazioa, zirkulartasuna, energia-efizientzia) txertatzeko esperientzia pilotuak.

Barne-prozesuak eta kontratuaren kudeaketa.

ISO 9001 arauaren jardunbide egokiekin lerrokatutako kontratuak kudeatzeko barne-prozesuak. Informazioaren fluxu nagusiek ISO 19650 arauaren printzipioei jarraitzen diete.

Lan-estandarrak

BIM Euskadi Planeko gidak eta txantiloiak betetzea.

Kontratu-harremanak

Kontratuek informazio-ereduekin eta espedienteen kudeaketa digitalarekin lotutako baldintzak jasotzen dituzte. Eredu digitalak balio juridiko osorik gabe eransten dira.

BIM/GIS ereduak sortzea.

  • BIMa nahitaez aplikatzea >5 M€-ko kontratuetan; ≥1 pilotua, >2 M€-ko kontratuetan.
  • Hasieran GIS sistema integratzea lurralde-osagaia duten proiektuetan.
  • Jarduketa-ereduak as built erregistratzea, lurralde-zehaztapenei jarraikiz.

BIM/GIS ereduak erabiltzea

Sortzen direnean, informazio-ereduak 2D dokumentazioaren iturri nagusi gisa ezartzen dira sortzen diren fasean, eta faseen eta departamentuen artean informazioa trukatzeko kanal osagarri gisa erabiltzen dira.

CDEa erabiltzea

  • Informazio egituratu digitalaren gordailua erabiltzea, proiektu eta obretako inbertsio guztietarako.
  • CDEa erabiltzea kontratu pilotuetan, informazio-gordailuaren osagarri.
  • Informazioaren kudeaketak lerrokatuta egon behar du ISO 19650 arauaren printzipio orokorrekin..

Entregagaiak jasotzea eta baliozkotzea

  • Formatu irekiko entregagaien harrera digitala (IFC) eta eredu digitaletan (BIM/GIS) IDS sisteman oinarritutako entregagaien baliozkotze parametrikoko lehen esperientzia pilotuak erakundean.
  • BCF formatuan oinarritutako eredu digitaletako intzidentziak jasotzea eta jakinaraztea.

Pertsonen prestakuntza

Oinarrizko prestakuntza BIMean, ISO 19650 arauan eta CDEaren erabileran, BIM betekizunak dituzten proiektuetan parte hartzen duten erakundeetako BIM teknikari eta arduradunentzat. Building Smartaren Oinarriak mailaren parekoa.

2030

Antolamendu-estrategia

BIMa ezartzeko plana finkatzea antolamenduan.
Departamentu anitzeko BIM barne-lantaldea abian jartzea, eta hiru hilean behingo bilerak egitea.

Ezagutza eta berrikuntza kudeatzea.

Bat egitea BIM Euskadi Batzordearen ezagutza trukatzeko plataformarekin; emaitza pilotuak argitaratzea.
Berrikuntza irekiko protokoloak txertatzea; probak gorabidean dauden teknologietan.

Jasangarritasuna

Kontratazioetan jasangarritasun-klausulak (deskarbonizazioa, zirkulartasuna, energia-efizientzia) txertatzea sistematikoki.
Jasangarritasun adierazleak sortzea kontratuetan, eta uniformeki jakinaraztea.
Erakunde barruko deskarbonizazio helburuen betetze-mailaren txostena.

Barne-prozesuak eta kontratuaren kudeaketa.

Kontratuak kudeatzeko prozedura korporatiboak, eta erakundeko plataformen arteko —CDEa, espediente-kudeatzailea, GISa eta aktiboen inbentarioa— informazio-truke ordenatua.
Aldizka finkatzea lurralde-mailako informazio garrantzitsua, programei eta zorroei jarraipena egiteko.

Lan-estandarrak

Erakundean entregagaiak kudeatu, jaso eta baliozkotzeko prozesuetarako txantiloi bereziak sortzea.
Homologatutako objektuen liburutegiak

Kontratu-harremanak

Eredu digitalek balio juridikoa dute, eta beste entrega-formatu batzuk ordezkatzen dituzte.

BIM/GIS ereduak sortzea.

BIMa nahitaezkoa >2 M€-ko kontratuetan; GISa integratzea hiri- eta lurralde-plangintzan.

BIM/GIS ereduak erabiltzea.

Sortzen direnean, informazio-ereduak jardueraren dokumentazio guztiaren lehentasunezko iturri nagusi gisa finkatzen dira, eta faseen eta departamentuen artean informazioa trukatzeko lehentasunezko kanal gisa erabiltzen dira.

CDEa erabiltzea

  • Elkarreragintasun-printzipioak eta OpenCDE protokoloak betetzen dituzten informazio-gordailuak erabiltzea.
  • Protokoloen bidez OpenCDE estandarra lurralde-informazioko gordailuarekin lotzea.
  • Lankidetza-ingurunearen kudeaketak bat etorri behar du ISO 19650 araudiaren atalekin.

Entregagaiak jasotzea eta baliozkotzea

Eredu digitaletan (BIM/GIS) oinarritutako entregagaien baliozkotze parametrikoa sistematizatzea eta erakundean eredu digitaletan (BIM/GIS) oinarritutako espedienteen tramitazio digitaleko lehen ekimenak.

Pertsonen prestakuntza

Erdi-mailako prestakuntza BIMean, ISO 19650 arauan eta CDEaren erabileran, BIM betekizunak dituzten proiektuetan parte hartzen duten erakundeetako BIM teknikari eta arduradunentzat. Building Smartean Espezialista mailaren parekoa.
Enpresa lizitatzaileen baldintzen parekoak.

2035

Antolamendu-estrategia

BIM taldeak finkatzea, informazio-ereduekin (BIM/GIS) lan egiten duten departamentu guztietan.
Ekosistema digital heldua duen antolamendua, datuetan oinarritutako gobernantzaduna.

Ezagutza eta berrikuntza kudeatzea.

Egiturazko berrikuntza: gorabidean dauden teknologiak erabiltzea, inpaktu-ebaluazioa eta eskalagarritasuna barne hartzen dituztenak.

Jasangarritasuna

Kontratuan deskarbonizaziorako eta zirkulartasunerako nahitaezko helburuak dituzten datuetan oinarritutako eragiketa: karbono-aurrekontuak proiektuko; horiek betetzeari lotutako ordainketa-klausulak dituen jarduerara bideratutako kontratazioa. BZA/EPDa eta produktuaren pasaporte digitala integratzea, materialen trazabilitaterako —eduki birziklatua, berrerabilera eta bizi-amaiera—; etengabeko MRV txostena (BIM/GIS/IoT bidez) eta biki digitala, eragiketak optimizatu eta as built ingurumen-txostena ixte aldera.

Barne-prozesuak eta kontratuaren kudeaketa.

Kudeaketa optimizatua eta estandarizatua: datuen eredu komuna eta katalogo korporatiboak, kontratazioaren, ustiapenaren, mantentzearen eta plangintzaren arteko elkarreragingarritasun funtzionala gaitzen dutenak; noranzko biko fluxua eta lurralde-txosten homogeneo eta aldizkakoa, plangintzako eta kontuak emateko zikloetan txertatua.

Lan-estandarrak

Estandar korporatibo operatiboa.

Kontratu-harremanak

Kontratu-harremanak datuen eta zerbitzuen inguruan antolatzen dira, ez soilik artxiboen inguruan. Datuetan oinarritutako adostasun-egiaztapen automatikoak sartzen dira.

BIM/GIS ereduak sortzea.

BIMa eta GISa konbinatuta erabiltzea kontratu garrantzitsu guztietan; elkarreragingarritasuna IoT sentsoreekin, biki digitalekin eta gorabidean dauden beste teknologia batzuekin.​
Bizi-zikloko mugarri nagusietako jarduera-ereduen berri ematea, lurralde-zehaztapenei jarraikiz.

BIM/GIS ereduak erabiltzea.

Sortzen direnean, informazio-ereduak iturri nagusi gisa finkatzen dira bizi-zikloaren osotasunean, eta etengabe eguneratzen eta sinkronizatzen dira bizi-zikloaren faseetan dauden beste plataforma batzuekin.

CDEa erabiltzea

CDEa ekosistema digitalaren erdigune; hedatutako beste sistema batzuekin, hiri adimenduneko sistemekin eta herritarren plataformekin integratzea.

Entregagaiak jasotzea eta baliozkotzea

Eredu digitaletan (BIM/GIS) oinarritutako espedienteen izapidetze digitala sistematizatzea erakundean.

Pertsonen prestakuntza

Prestakuntza-curriculum berriak sartzea, arlo hauetako aurrerapenak direla eta: AAn, jasangarritasunean eta kudeaketa digitalean espezializatzeko ibilbideak.

EKARPENAK

Eusko Jaurlaritzaren Etxebizitza eta Hiri Agenda Saila eta BUILD – Euskadiko Eraikuntzaren Klusterra BIM Euskadi Plana ari dira bultzatzen. Ekimen horren helburua da BIMaren ezarpena egituratzea eraikuntzaren sektorean, eta lurraldean ezartzeko ibilbide-orri partekatu bat zehaztea.

Planaren irismena eta erabilgarritasuna hobetzeko, ekarpenak egiteko postontzi hau gaitu da profesionalentzat, enpresentzat, administrazio publikoentzat, eragile teknologikoentzat, prestakuntza-zentroentzat eta, oro har, AECO arloari lotutako edozein erakunderentzat.

Kanal horren bidez, hauek helaraz ditzakezu:

N

BIM Euskadi Planeko jardunbideak hobetzeko iradokizunak.

N

Horren garapenari buruzko ohar tekniko edo estrategikoak.

N

Euskadin BIMa ezartzeko aurkitutako oztopoak, beharrak edo aukerak.

N

Planaren hedapena indartzeko ekimen, tresna edo neurrien proposamenak.

Jasotako ekarpenak BIM Euskadi Planaren garapen- eta jarraipen-lanen esparruan aztertuko dira.

Postontzi honetan eskura duzun inprimakia erabiliz bidal dezakezu zure ekarpena.