Sestraren gainetik, 1 zenbakiko eraikinak etxabea eta zazpi solairu izango ditu. Bigarren eraikinak, berriz, oinarri bateratua du: etxabea eta lehen solairua bolumen bakarrean daude, eta bigarren solairutik zortzigarrenera, berriz, bi bolumen bereizi ageri dira. Etxebizitza-programak bi logelako 120 etxebizitza (% 79) eta hiru logelako 32 (% 21) hartzen ditu.

Hiru eraikinek estalki lau alderantzikatuak dituzte. Eraikinaren kanpoko fatxadaren itxitura aireztatua da. Gainera, hegoaldeko fatxadetan beirazko panelak daude, urre-koloreko zedula fotovoltaikoekin, zeinak marko perimetraletan integratuta baitaude, etxebizitzako kanpoko arotzeriekin batera.

• Bizi-ziklo osoan kostuak aurreztea: neurketak eta aurrekontua kontrolatzea proiektu-fasean, eta ereduaren bidez obran egindakoarekin kontrastatzea; mantentze prebentibo eta zuzentzailea egitea —horrek asko aurrezten du eragiketa-etapan—.
• Eraginkortasun handiagoa obraren plangintzan eta kontrolean.
• Produktibitatea eta eraikuntza-prozesuen efizientzia hobetzea.
• Eraikinen kalitatea handitzea eta eraikuntza-arriskuak murriztea: inkoherentzia gutxiago diseinuaren eta obraren artean, mantentze-lanen liburu digitala, osagaien eta sistemen trazabilitate osoarekin.
• Aurreztu egiten da, efizientzia handiagoz egiten baita lan: informazio uniboko eta partekatua, birprozesu gutxiago, neurketa zehatzak eta abar.
• Eraikinen jasangarritasuna hobetzea: energia-eskariaren eta -kontsumoaren simulazioak egiteko aukera, energia-efizientziaren simulazioak diseinu-fasean, simulazio akustikoak eta eguzkiztapenari lotutakoak eta abar.
• Eraginkortasun handiagoa eragiketa kudeatzean eta eraikinak mantentzean, biki digitalaren eta eraikinetan integratutako BMS sistemaren bidez.
• Eraginkortasun handiagoa barne- eta kanpo-komunikazioan.
• Koordinazio hobea eragile guztien artean.